Comezamos cós CLUBS DE LECTURA

 

Suxerencias

 Non sabes que ler? Aquí tes algunha suxerencia. 

Agardamos que che gosten!

Marcapáxinas

 Este curso a Biblioteca regala marcapáxinas.

Non quedes sin el!!!

Visita do alumnado de 1º ESO

 Hoxe, o alumnado de 1º da ESO, visitou a Biblioteca. Démoslle unha breve explicación sobre como estaba ordenada e, o máis importante, elixiu un libro para a Biblioteca de aula.

Algunha e algún xa deixou reservado un libro para recollelo o martes 8 (día no que abre)

Moitas grazas por mostrar tanto interese pola lectura!!

Próxima apertura.

A Biblioteca 

abrirá 

o próximo 

MARTES 8/10.

Esperámoste!

Traballos de mellora da biblioteca

 A BIBLIOTECA 

PERMANECERÁ PECHADA 

ATA NOVO AVISO.

ESTAMOS TRABALLANDO 

PARA MELLORAR

CURSO 24-25

 Benvidas 

a todas/todos 

ao curso 24-25.

O CLUB DE LECTURA DE 1º E 3º ESO LEU "O BARÓN RAMPANTE"

 O alumnado do Club de Lectura de 1ºe3º ESO fixo a lectura dunha das grandes obras da literatura universal: O barón rampante, de Italo Calvino. A raíz disto realizou múltiples actividades en relación coas suxestións que espertou este texto. As andainas de Cosimo e Viola deron pe a alimentar a imaxinación e creatividade de quen tivo a fortuna de ler esta novela italiana tan especial.

NOVA OBRA DE SARA VILA NA NOSA BIBLIOTECA

 A NOVA OBRA DE SARA VILA NA BIBLIOTECA

Despois de termos o Club de Lectura Soutomaiores un interesante encontro con Sara Vila, para falarmos sobre a súa novela Oito días sen Eva Cortes, agardamos a que se publicase a súa nova obra, O incendio, para adquirila e tela na nosa biblioteca. Lembremos que con esta novela Sara Vila conseguiu o Premio Blanco Amor de novela e conságrase como unha das voces máis destacadas da narrativa galega actual. O

CLUBS DE LECTURA 

Neste curso 2023-2024 contamos con varios Clubs de Lectura, tanto de ESO como Bacharelato. Entre as lecturas do primeiro trimestre podemos destacar O principiño, A vida na Grecia clásica ou unha lectura sobre o "castelo de Soutomaior"... Realmente o alumnado que participa indica o interesante destes textos... Seguiremos informando.

Tamén temos un Club de Lectura de persoas maiores, que chamamos Soutomaiores, que está a ler Oito días sen Eva Cortes, de Sara Vila, coa que teremos un encontro proximamente.

Club de lectura: A proba de auga

 A última xuntanza cos lectores e lectoras de 1º de ESO tivo lugar o pasado martes 14 de xuño. Desta volta, a obra lida foi o cómic A proba de auga, da escritora e debuxante viguesa Anémona de Río (Aldara Álvarez García).

Esta banda deseñada, cunha atractiva estética manga, conta a historia de Aqua, unha pequena pinga de auga que, rematados os seus estudos, debe levar a cabo a súa función. Pero o primeiro día pérdese do seu grupo e comeza a descubrir un novo mundo pola súa conta, mentres vive un montón de aventuras.

Para despedir o club ata o ano que vén, nesta última reunión do club, os rapaces competiron por grupos nunha xincana na que tiveron que medir as súas dotes detectivescas para seguir unha serie de pistas relacionadas coa obra, ata dar co premio final. As gañadoras foron Mara, Lola, Carla e Giana; pero todos conseguiron rematar o percorrido e levaron o seu premio.

O ano que vén verémonos de novo. Polo de pronto,

FELIZ VERÁN!

Reunión do club de lectura: La memoria del agua

O pasado 5 de abril, as rapazas e rapaces do club de 1º de ESO, xogaron a interpretar distintas esceas da banda deseñada La memoria del agua, de Valerie Vernay e Mathieu Reynes.

Tras facer un repaso polos espazos da novela e repartir os personaxes, os membros do club de lectura deron vida a distintas esceas da nosa historia.

 

Tamén nos deu tempo a falar das nosas impresións sobre a obra, e de analizar os personaxes.

La memoria del agua é a historia dunha familia e dunha maldición que foi pasando de xeración en xeración. Ambientada nunha vila mariñeira, ten como protagonista á pequena Marion, quen despois de mudarse coa súa nai á casa familiar preto da costa, iniciará a súa propia investigación ata descubrir o pasado da súa familia.

Coloquio sobre 'Flor de area' con Manuel Lourenzo González

Esta mañá o alumnado de 3º e 4º ESO e de 1º de Bacharelato dos clubes de lectura do instituto  mantiveron un encontro con Manuel Lourenzo González, autor de Flor de area, novela que leron nas últimas semanas. 

Os rapaces e rapazas estiveron moi atentos e participativos e interesáronse tanto por diferentes aspectos da obra, como o labor de documentación necesario para plasmar o contexto cultural e social da historia (a cultura árabe, o Irak...) como por cuestións máis xerais da creación literaria. 

O noso convidado foi moi ameno e próximo, aprendemos moito con el e quedamos moi agradecidas e agradecidos pola súa visita.