Ir al contenido principal

Nómades, de Xosé Tomás: primeira lectura no club de Banda deseñada "Marcando a diferenza"



Esta semana comezamos a andaina do club de lectura de banda deseñada "Marcando a diferenza". A nosa primeira lectura será Nómades, de Xosé Tomás, que servirá para romper o xeo coa BD e tamén coas temáticas que abordaremos nas próximas lecturas. A crise migratoria, a trata de mulleres, as condicións laborais das mulleres, a discriminación por motivos da condición sexual e os conflitos aínda existentes no mundo serán os eixos temáticos desta obra e tamén da nosa reunión, que se celebrará o próximo venres 9 de novembro. Agardámosvos!


Comentarios

Entradas populares de este blog

Inicio dos clubs de lectura a partir de 3 de ESO

Hoxe iniciamos os tres clubs de lectura que se desenvolverán no noso IES con alumnado a partir de terceiro de ESO: o club de poesía, o club de narrativa breve e o club de banda deseñada integrado no proxecto de centro "Marcando a diferenza". A convocatoria foi un éxito rotundo, agora so nos queda organizar os grupos para empezar a gozar das lecturas propostas. Comezaremos na primeira semana de novembro. Grazas a todos e todas polo voso interese!

Os clubs de lectura botan a andar!

Primeiro apareceron pendurados os carteis nos taboleiros, logo os mensaxeiros espallaron a nova polas aulas do instituto e o boca a boca fixo o resto polos corredores e os patios. Que si, que era certo, que a centro novo, novos proxectos, e os lectores e lectoras habían contar co seu propio club. E non só un, senón varios.
O primeiro en presentarse publicamente foi o Club de Lectura de Banda Deseñada para 1º e 2º da ESO, a cuxa chamada acudiu esta mañá un bo número de alumnos e alumnas que quixo coñecer de primeira man esta nova aventura. Para saber dela e, por suposto, para embarcarse e iniciar a primeira singradura. Benvidos/as!

Inicio do club "Marcando a diferenza" a partir de 3º de ESO

A reunión informativa será o próximo luns 22 de outubro na aula de 1º ESO A