Persépole

Hoxe, no club de banda deseñada Historias da historia, puxemos en común Persépole, de Marjane Satrapi. Coincidindo cos últimos incidentes en Irán, a obra serviunos para reflexionar sobre como podería ter cambiado a historia de ter sucedido outros feitos e, sobre todo, para falar do que significa sentirse fóra de lugar tanto como estranxeira como no lugar de orixe, sentimento que tamén compartiu con nós unha das participantes da sesión. Para falar da obra, visualizamos fragmentos do filme e sorprendeunos especialmente a fidelidade ao cómic. 

Seguimos con Jamás tendré veinte años, de Jaime Martín, unha BD sobre a Guerra Civil Española.