Na tarde de hoxe houbo nova xuntanza do club de lectura Historias da historia. Nesta ocasión, reunímonos para falar de La mujer rebelde. Historia de Margaret Sanger, de Peter Bagge (Editorial La Cúpula).
Trátase dunha banda deseñada biográfica sobre Margaret Sanger, enfermeira americana que foi pioneira na difusión de información sobre os métodos anticonceptivos na América de principios do século XX. A obra gustounos, sobre todo, porque nos fixo reflexionar sobre os tabús que existían na sociedade hai apenas cen anos. A ilustración pareceunos un tanto abrumadora, moita información condensada entre texto e imaxe, e a partir desta idea, falamos sobre o cómic underground dos anos 70 en América, movemento do que Bagge é figura destacada. Tratamos, ademais, de facernos unha idea sobre a expansión dos métodos anticonceptivos no noso país e de como a eclosión do sida nos anos 90 acelerou de forma vertixinosa o proceso.
Para comprender o que supuxo esta enfermidade nos anos 90 e coa intención de visibilizar a historia do colectivo LGTBQ+, continuamos con Pedro y yo, de Judd Winick. Vémonos o martes 14 de abril, á volta da semana santa.
Ningún comentario:
Publicar un comentario