Na sesión de hoxe, o club "Narrando con imaxes" compartiu as súas impresións sobre a lectura proposta, Subnormal, de Fernando Llor e Miguel Porto, unha obra baseada nas vivencias de Iñaki Zubizarreta, vítima do acoso escolar.
A obra pareceunos moi dura: as palizas, o resentimento despois de tantos anos cara a súa profesora, os motivos para seguir vivindo...
Reflexionamos, a través dunha dinámica de posta en común, sobre o habitual de escoitar insultos ao noso arredor e a dificultade de expresar as cousas boas dos demais.
Foi realmente impactante ler xuntos todos os insultos e comentarios desagradables que escoitamos a miúdo e, da xuntanza, xurdiu unha idea de intervención no IES que poderedes ver nas próximas semanas.
Coma sempre, o libro "Subnormal" está xa dispoñible para toda a comunidade educativa na biblioteca do centro.
Ningún comentario:
Publicar un comentario