A partir da lectura de Subnormal, banda deseñada de Miguel Porto e Fernando Llor, o alumnado do club de lectura "Narrando con imaxes" argallou unha intervención na parede do IES, inspirada por un comentario que xurdiu dos rapaces e rapazas na posta en común sobre a obra: Impacta moitísimo ver xuntos todos os insultos que escoitamos a cotío, mais parece que non os oímos cando se empregan nas aulas.
Así foi como xurdiu a idea de colocar os insultos máis habituais na parede do corredor, para que toda a comunidade educativa tivese a mesma sensación que tivemos nós...
...para deixar, despois, a nosa reflexión:
"Se te sorprende ler estas palabras na parede do instituto,
por que non actúas cando as escoitas na túa aula?"
Grazas, unha vez máis, ao alumnado do club pola súa implicación nas actividades e a Orlando (biblioteca) e Teresa (servizo de limpeza), polo apoio técnico.
Ningún comentario:
Publicar un comentario