Na mañá de hoxe, tivemos a sorte de contar coa presenza, no noso IES, de Fernando Llor e Miguel Porto, guionista e ilustrador da banda deseñada sobre acoso escolar Subnormal, da que xa vos falamos en entradas anteriores.
 |
Miguel Porto e Fernando Llor |
Os autores puideron ver, in situ, a intervención que xurdiu dos rapaces e rapazas do club Narrando con imaxes a partir da lectura da obra, e partillaron con nós tanto aspectos relacionados coa creación do libro (a escaleta, o guion, o storyboard...) como coa historia real na que se basea, as vivencias de Iñaki Tellería.
Tamén acudiron ao encontro os alumnos e alumnas de "Aquí lemos tod@s", que, en vista do éxito do libro no club dos maiores, se apuntaron tamén á lectura.
Foi un verdadeiro pracer escoitar a Fernando e Miguel, e agardamos atoparnos de novo con eles nalgunha outra ocasión. Esperamos que coa súa nova obra, da que xa nos adiantaron algunhas cousiñas!
Agradecemos tamén, desde a coordinación de clubs, a implicación do alumnado e o equipo de biblioteca, e as xestións realizadas por Román dende vicedirección para que este encontro, tan aproveitado, fose posible.
Ningún comentario:
Publicar un comentario