Hoxe, día 20 de decembro, fixemos a primeira reunión tras a lectura da novela gráfica Coraje, de Raina Telgemeier. Os rapaces de 2º ESO (e mais dúas fichaxes de 1º) foron grandes actores e actrices nun xogo de dramatización a partir de distintas escenas do cómic.
Primeiro, sorteamos as escenas, formamos os grupos e puxéronse a ensaiar cadanseu papel...
En cada escena, tiñamos que introducir algún cambio con respecto á obra orixinal, o cal debía ser detectado e explicado polo resto dos compañeiros, tras ver a dramatización.
Falamos de empatía...
Sacamos moita coraxe...
E, por último, tamén tivemos tempo de debatir sobre a obra. Entre outras reflexións interesantes, as rapazas e rapaces dixeron que este é un cómic sobre afrontar os medos e aceptarse a un mesmo, sobre dar segundas oportunidades e, en definitiva, sobre ter CORAXE!
