Na tarde de hoxe o alumnado de 4º ESO participante no Proxecto París traballou arredor da obra dos artistas que verán a finais deste mes de marzo no Centro de Arte Georges Pompidou de París. Coma sempre, a biblioteca serviu de perfecto escenario para achegarnos á arte e a cultura.
Comezamos o obradoiro emulando a Jeff Koons e analizando cales son as características da arte contemporánea a través dun xogo con imaxes proxectadas de obras de arte clásico (Venus de Milo, A coronación de Napoleón, obras de Cezanne e Van Gogh...) mesturadas coas obras de Duchamp, a Bauhaus, Joseph Beauys, Louise Bourgeois.... Así, chegamos á conclusión de que a arte contemporánea suxire ideas, experimenta con materiais e xera emocións no espectador, pero non ten por que estar creada nun soporte tradicional ou transmitir beleza.
 |
| Obra de Jeff Koons que visitaremos no museo |
 |
| Preparación para manipular os globos |
A continuación, fixemos grupos rotatorios para experimentar co collage de Matisse, o simultaneísmo de Delaunay, as antropometrías de Yves Klein e o ready-made de Duchamp.
 |
A tristeza do rei, de Matisse, no Pompidou.
|
 |
| Antropometrías de Yves Klein |
 |
| A nosa reinterpretación do collage |
 |
| As nosas antropometrías |
 |
| Os ready-made de Duchamp |
 |
| Os nosos ready-mades |
 |
| O grupo de traballo coas súas creacións de arte contemporánea |
Sen dúbida, foi unha tarde de experimentación, creatividade e traballo en equipo que nos abriu os ollos sobre a percepción que tiñamos da arte contemporánea e que nos fará gozar e comprender a nosa visita ao Centro de arte Georges Pompidou de París. Xa queda menos! Un pracer, coma sempre, acompañarvos na aprendizaxe e gozar tanto ou máis ca vós!
